'क्राईम पेट्रोल' पाहून चोरट्यांनी ज्वेलर्सचे दुकान लुटले.


मेरठ - दिल्लीहून आलेल्या मेरठच्या सेंटल मार्केटमध्ये ज्वेलर्सचे दुकान लुटणाऱ्या चार जणांना पोलिसांनी अटक केली. पोलिसांनी चोरांकडून ११ लाख रुपयांची रोकड, १६ लाख रुपयांचे सोने आणि ९ किलो चांदी जप्त केली आहे. दुकान कसे लुटायचे यासाठी त्यांनी सहा महिने क्राईम पेट्रोल पाहिले. त्यानंतर चोरी केली, अशी माहिती पोलिसांनी दिली.
चोरी करायची. परंतु पोलिसांच्या हाती लागायचे नाही, या हेतूने चारही आरोपींनी जबरदस्त प्लान आखला. ज्वेलर्सचे दुकान लुटल्यानंतर पोलिसांना कसा चकमा द्यायचा यासाठी आरोपींनी सहा महिने क्राइम पेट्रोल पाहिले. त्यानंतर १७ डिसेंबर रोजी मोटारसायकलवर येऊन सेंट्रल पार्क येथील रतीराम अनिल कुमार यांचे ज्वेलर्सचे दुकान लुटले. आरोपींनी या ठिकाणाहून रोख रकमेसह सोन्यांच्या वस्तू, चांदीची लूट केली. पोलिसांना या घटनेची माहिती मिळताच त्यांनी तपास चक्रे फिरवली. आरोपींच्या मुसक्या आवळल्या. अटक करण्यात आलेले आरोपी हे तेलंगणाचे आहे.

या टोळीचा म्होरक्या अक्षय उर्फ विक्कीसह त्याचा साथीदार रांझा, मधुर वर्मा आणि सचिनला अटक करण्यात आली. आरोपींकडून ११ लाख रुपयांची रोकड, १६ लाख रुपये किमतीचे ४०० ग्रॅम सोने, साडे चार लाख रुपये किमतीची चांदी, ५० हजार रुपये किमतीच्या चांदीच्या वस्तूसह मोबाईल फोनची लूट केली होती. पोलिसांनी आरोपीची कसून चौकशी केली. या चौकशीत त्यांनी गुन्ह्याची कबुली दिली असून शुभम व सूरज भारद्वाज यांनी हा प्लान आखला होता. विक्की हा मेरठचा रहिवासी आहे. तो आधी एका सोनाराकडे कामाला होता. ५ वर्षापूर्वी तो दिल्लीत आला होता. क्रिकेटवर सट्टा लावल्याने त्याच्यावर २६ लाखाचे कर्ज झाले होते. हे कर्ज फेडण्यासाठी त्याने हा प्लान आखला. सहा महिन्यापूर्वी आरोपींनी दुकानाची रेकी केली होती. त्यानंतर क्राईम पेट्रोल पाहून दुकान कसे लुटायचे हे ठरवले होते.
थोडे नवीन जरा जुने