खेकडा खाण्याचे हे फायदे तुम्हाला माहित आहेत का ?




अंडी, चिकन, मटण, मासे याचबरोबर चिंबो-या म्हणजे खेकडे हादेखील मांसाहारींच्या आहारात हमखास आढळणारा एक पदार्थ. मात्र असं असलं तरीही तो अंडी, चिकन, मटण, मासे यांच्या तुलनेत कितीतरी पौष्टिक आहे. अशा या खेकडयांचं आरोग्याच्या दृष्टीने असलेलं महत्त्व जाणून घेऊ या.

मांसाहारींच्या आहारात मासे, अंडी, चिकन यासोबतच आवर्जून आढळणारा एक पदार्थ म्हणजे खेकडे. सूप सलाड आणि स्टार्ट्स अशा वेगवेगळ्या प्रकारांतून त्याचा आहारात समावेश केला जाऊ शकतो. खेकडयातून खनिजं, ओमेगा थ्री फॅटी अ‍ॅसिड्स, व्हिटॅमिन यासोबतच उच्च प्रतीच्या प्रोटिन्सचा शरीराला पुरवठा होतो. मग आहारात या चवदार पदार्थाचा समावेश करण्याचीही कारणं जाणून घ्या.
मधुमेहींसाठी फायदेशीर
खेकडयांमध्ये उच्च प्रतीचं क्रोमियम असतं. यामुळे रक्तातील साखरेचं प्रमाण नियंत्रणात राहण्यास मदत होते. खेकडयातील मांसल भागामध्ये काबरेहायड्रेट कमी असतं. त्यामुळे मधुमेहग्रस्त मांसाहारींसाठी खेकडा हा एक उत्तम पर्याय आहे. रक्तातील साखरेचं प्रमाण नियंत्रणात ठेवण्यासाठीही हे पदार्थ आहारात जरूर ठेवा.
कॅन्सरचा धोका कमी होतो
खेकडयांमधून ओमेगा थ्री फॅटी अ‍ॅसिडचा मुबलक पुरवठा होतो. यात कमीत कमी सॅच्युरेटेड फॅट्स असल्याने रक्तातील घातक कोलेस्टेरॉलचं प्रमाण कमी करण्यास मदत होते. यात आढळणा-या नायसिन आणि क्रोमियममुळे शरीरातील कोलेस्टेरॉलचे प्रमाण नियंत्रणात राहते. परिणामी हृदयविकाराचा आणि स्ट्रोकचा झटका येण्याची शक्यता कमी होते.
त्वचाविकारांपासून सुटका
अ‍ॅक्ने, रॅशेस अशा त्वचाविकारांसोबत कोंडयाचा त्रास कमी होण्यास मदत होते. यात मुबलक प्रमाणात झिंक असतं. यामुळे तेलनिर्मितीचं प्रमाण नियंत्रणात राहतं. जेणेकरून त्वचाविकारापासून बचाव होतो.
रक्तपेशींच्या निर्मितीचं कार्य सुधारतं
रक्तपेशीच्या निर्मितीसाठी आवश्यक असणा-या व्हिटॅमिन बी १२चा खेकडयात मुबलक साठा असतो. यामुळे अ‍ॅनिमिया होण्याचा धोकादेखील कमी होण्यास मदत होते. ओमेगा थ्री या फॅटी अ‍ॅसिडमुळे रक्ताभिसरणाची प्रक्रिया सुधारण्यास मदत होते
वजन कमी करते
चविष्ट असले तरीही यात कॅलरी अधिक प्रमाणात नसल्याने खेकडयांचा आहारात समावेश करू शकता. यामुळे आरोग्यपूर्ण पद्धतीने तुम्ही वजन कमी करू शकता. यातून मिळणारी प्रथिनं खेळाडू आणि बॉडिबिल्डर्सच्या आहारात असणं फायदेशीर असतं.
रक्तदाबावर नियंत्रण राहते
खेकडयात असलेला पोटॅशिअम घटक शरीरात इलेक्ट्रोलेट्सचे संतुलन राखण्यास मदत करतात. जेणेकरून रक्तदाब नियंत्रणात राहतो. पोटॅशिअम हा घटक रक्तदाब नियंत्रण ठेवण्यात प्रमुख भूमिका बजावतो.

सांधेदुखी कमी होते

यात सेलेनियम या अ‍ॅन्टीऑक्सिडंटचा पुरवठा अधिक असतो. त्यामुळे हा मांसाहारींसाठी उत्तम स्रेत आहे. शरीरात मिनरल्सच्या कमतरतेमुळे सांधेदुखीचा त्रास वाढतो. म्हणूनच आहारात खेकडयांचा समावेश करावा. याच्या सेवनाने ऑक्सिडेटिव्ह स्ट्रेस कमी होण्यास मदत होते, जे सांधेदुखी कमी करण्यास मदत करते.


थोडे नवीन जरा जुने